Тыва Республиканың Чазааның чанында Тываның гуманитарлыг шинчилелдер институдунуң «Тыва улустуң тывызыктары» деп чаа ному 2011 чылда  чырыкче үнген. Бо номда кирген аас чогаал тураскаалдарын А.Т. Дугаржап чыып тургускан. «ТР-ның гуманитарлыг эртемнер талазы-биле шинчилелдерге 2011-2012 ч.ч. Күрүне деткимчези» деп Регионалдыг тускай угланыышкынныг программаның ашкаландырыышкыны-биле парлаттынган. Харыысалгалыг редактору – дыл эртемнериниң доктору К.А. Бичелдей. Эртем редактору – дыл эртемнериниң доктору С.М. Орус-оол. Бо чыындыже Тыва Республиканың Чазааның чанында Тываның гуманитарлыг шинчилелдер институдунуң аас чогаал шыгжамырында кадагалаттынган тывызыктарны киирген.

Чыындыны калбак номчукчуларга, башкыларга, студентилерге, өөреникчилерге болгаш аас чогаалын сонуургап чоруур, аңаа хандыкшылдыг бүгү-ле кижилерге дуза кылдыр үндүрген.

Тиражы 500 экз. Кызыл хоорайда «Аныяк» типографиязынга парлаттынган.